فيسبوك - 28 أبريل 2015

وِيَنْ مَشِيَنَا؟؟؟؟؟؟
إتَّكِيَتْ عَلَى بَالِي طَارِيك .. ياحَنِيَن ..
واللِيل فَرَد تُوَبْ السُكُون ..
غَطَّى الخَلَايِقْ .. بِالحِلِم ..
كِيَفَكْ تَكُون ..
دِي الوَكْتِ طَارِيهَا اللَيَالِي ..
الكُنْتَ فِيَهَا مَعَاكَ نَغَم؟؟؟
غَنِّيَنَا لِلقَمْرَة وُهَفِيفَ النَّسمَة ...
يِتْسَرَّب مَسَامَاتْنا الرُّهَاف ..
وِيَنَك تَكُون ..
دِي الوَكْتِ.. يا أقرَب مِن الرُّوح ..لِلشِغَاف؟؟
بَرِّدْ حَشَاي ..
بِيَ طِيَفَك المَشرُور عَلَى البَال كَالضِفَاف ..
شَايْفَك .. عَلَى مَدَّ المَشَاعِر المُرهَفَة ..
وُمَدَّ الحُرُوف المُلتَهِب ..
شَايِفْ طَرِيقِي إِلِيكْ ..شَعَّ دَوَاخْلِي ..
وانْتَبَه النَّشِيد ..المُصطَفَى ..
فَ وِيَنْ مَشِيَنا؟؟؟
لا صَبَاحَاتَكْ لِحِقْتَهَا ..
لا نِهَارَاتَ كْعِرِفْتَهَا ..
لا أمَاسِيَك فِيهَا إتْلَمَّتْ جِناحاتْنَا إلْتَقِيَنَا ..
وِيَنْ مَشِيَنَا ؟؟؟؟
أَهُوْ نِحْنَا يُومَاتِي بِنْتَاوِقْ ..
مِنْ شَبَابِيكْنَا البِتَفْتَحْ ..
نَحْوَ غُربَتنَا .. اللي فِينَا ..
وِيَن مَشِيَنَا؟؟
أو كَمَا إنَّك مَحَكَّر ..
هَسَّة بِيَ زَاتَك ..
مُتَّفِّنْ ضَحكَتَك جُوَّاي ..
حِدَاي .. مَدِّيَتْ لِحَاف الإلْفَة ..
قَشِّيَتْ الحُزْنِ مِن عِيَنَيْ ..
هَدْهَدْتَ الوَفَا ..
بِالضَبطِ إنْتَ اللَحظَة كُلَّهَا ..
وَالظُنُون وَاللَهفَة ... وَالشُوَقْ وَالصَفَا ..
بِيَ وِيَنْ أجِيكْ ؟؟
وَرِّينِي ياغُربُةْ شَقَاي ..
بَرَّاق غُيُومَك ..
عُمرٍي بَنتَظْرُو.. وُكُفُى ..
وِيَنْ مَشِيَنَا؟؟
الأبيض April 15, 2013